იზრუნე ტესტები
| მთავარი | საგანმანათლებლო სიახლეები | სკოლამდელი აღზრდა | რჩევები მშობლებს | საინტერესო ამბები |
izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
მე-9, მე-10, მე-11 და მე-12 კლასის ტესტები
ყველა მოსწავლისთვის
X
საგანმანათლებლო სიახლეები
17 ივნისი, 2019
გზა ევროპისკენ - ვინ ადგენს კითხვებს უკეთესი მომავლისთვის
ინოვაციური საგანმანათლებლო პორტალი Izrune.ge სექტემბრიდან უპრეცენდენტო სიახლეს შემოგთავაზებთ.
გზა ევროპისკენ - ყოველი თვის მეოთხე ხუთშაბათი პორტალზე სამოქალაქო განათლების დღე იქნება და საქართველოს მოსწავლე-ახალგაზრდებში მოქალაქეობრივი აზროვნების სისტემურ-ეფექტურ და დროულ ამოქმედებას, თანამედროვე ევროპული სახელმწიფოების, მათი ტრადიციების, ღირებულებებისა და ისტორიის წარმოჩენას შეუწყობს ხელს.
ქართული კულტურა და საქართველოს ისტორიული არჩევანი – გზა ევროპისკენ მასშტაბური, ინოვაციური, მაღალტექნოლოგიური და ინდივიდუალურია პროექტია, რომელიც საქართველოს ეროვნული ინტელექტ-ჩემპიონატ „ეტალონისა“ და ქუთაისის საგანმანათლებლო რესურსცენტრის ხელმძღვანელის, მაია ცქიტიშვილის ავტორობით ხორციელდება.
„დირექტორებთან დიდი დისკუსია გვქონდა და შევჯერდით ჯანსაღ აზრზე, რომ მოსწავლეთა მრავალმხრივი განვითარებისთვის საგანმანათლებლო ინოვაციებისთვის ფეხის აწყობა და Izrune.ge-ში ჩართვა ძალიან მნიშვნელოვანია. პორტალთან ერთად სასკოლო ცხოვრება აქტიურდება და ოჯახებიც სისტემურად ადევნებენ შვილების განათლება-განვითარებას თვალს, ნათლად ხედავენ სად სჭირდებათ დახმარება და რა მხრივაა მუშაობა გასაძლიერებელი. ჩვენი თანამშრომლობით იწყება ახალი პროექტი „მოქალაქეობრივი აზროვნების განვითარება- გზა ევროპისკენ“, რომლის მეშვეობითაც მოსწავლეები მრავალსაუკუნოვან და სამომავლო ღირებულებებს თავად დააკვირდებიან და გააანალიზებენ. პორტალში ჩართულობა თავისუფალი აზროვნების, გახსნილი გზებისა და უცხოელი მეგობრების შეძენის წინაპირობაა, განათლებული და კონკურენტუნარიანი თაობა სამშობლოს საზღვრებს მიღმა ღირსეულად წარადგენს. Izrune.ge კი თანამედროვე საგანმანათლებლო პროცესებში მონაწილეობისთვის მზა პროდუქტს გვთავაზობს. დიდი ენთუზიაზმით ჩავერთეთ პროექტში, კითხვების შედგენაში ქუთაისის 6 თანამოაზრე სკოლა მონაწილეობს და მომავალი თანამშრომლობისთვის დანარჩენი სკოლების მზაობაც დიდია. Izrune.ge-ს ოჯახების მხრიდანაც დიდი გამოხმაურება აქვს და მეტ ჩართულობას ველოდებით,-“ პროექტის გენერალური მენეჯერი მაია ცქიტიშვილი.
დაწყებითი, საბაზო და დამამთავრებელი კლასების მიხედვით კითხვებს ქუთაისის 6 სკოლიდან 78 გამოცდილი პედაგოგი ადგენს.
I, II კლასების ჯგუფის ხელმძღვანელი, ქუთაისის N17 საჯარო სკოლის დირექტორი ირინე ჯგერენაია:
„ჩვენი სკოლა საგანმანათლებლო სივრცის წარმატებული წევრია და განსაკუთრებულ ინოვაციებს მუდმივად უჭერს მხარს. ერთერთი ასეთი წამოწყება სწორედ „გზა ევროპისკენ“ გახლავთ, რომელიც მოქალაქეობრივი აზროვნების განვითარების კუთხით მოსწავლეების, პედაგოგებისა და ზოგადად საზოგადოების ცნობიერების ამაღლებას შეუწყობს ხელს. ჩვენი სკოლიდან კითხვების შედგენაში დაწყებითი კლასების პედაგოგები ჩაერთნენ, რეკომენდაციების გათვალისწინებით, საკითხები სასკოლო ლიტერატურიდან მოვა, ტესტები უკვე მზად გვაქვს და სექტემბრიდან პროექტის პრაქტიკულ განხორციელებას ვიწყებთ.“
III, IV კლასების ჯგუფის ხელმძღვანელი, ქუთაისის N12 საჯარო სკოლის დირექტორი ნათია სულავა:
„ეტალონთან“ მრავალწლიანი ურთიერთობა გვაკავშირებს, ასევე აქტიურად ვერთვებით Izrune.ge-ში და ახალ წამოწყებაში, რომელსაც „გზა ევროპისკენ“ ჰქვია. ჩვენი სკოლა მთელი საქართველოს III- IV კლასის მოსწავლეებისთვის ადგენს ტესტებს, რომელიც ასაკისთვის შესაბამისი მეთოდოლოგიით იქნება შექმნილი და ზოგადი განათლების მიღებასთან ერთად მოქალაქეობრივი აზროვნების ამაღლებას შეუწყობს ხელს, რის გარეშეც ქვეყნის წარმატება წარმოუდგენელია. მახარებს, რომ ერთერთი პირველები ჩავერთეთ უმნიშვნელოვანეს პროექტში და ბატონ გოჩა ტყეშელაშვილთან ერთად აქტიურად ვემზადებით წარმატებისთვის.“
პროექტში ასევე წარმატებით ერთვებიან:
V - VI კლასები - ქუთაისის N1 საჯარო სკოლა - სალომე სარალიძე;
VII - VIII კლასები - ქუთაისის N30 საჯარო სკოლა- დირექტორი მიხეილ გიორგაძე;
IX - X კლასები - ქუთაისის N2 საჯარო სკოლა - დირექტორი მურად ჯიშკარიანი;
XI - XII კლასები - ქუთაისის N23 საჯარო სკოლა - დირექტორი ნესტან სიხარულიძე.
მათ მზრუნველ გამოცდილებას Izrune.ge ეტაპობრივად სიამაყით გაგაცნობთ.
გზა ევროპისკენ - აღსანიშნავია, რომ პროექტი სოციალური დატვირთვისაა და უსასყიდლოდ გავრცელდება ყველა იმ მოსწავლეზე, რომელიც 2019 – 2020 სასწავლო წელს ჩართულია Izrune.ge -ში.
რას ამბობენ ჩვენზე
