იზრუნე ტესტები
| მთავარი | საგანმანათლებლო სიახლეები | სკოლამდელი აღზრდა | რჩევები მშობლებს | საინტერესო ამბები |
izrune.ge-ზე უკვე ხელმისაწვდომია...
1-ელი, მე-2, მე-3, მე-4, მე-5, მე-6, მე-7, მე-8,
მე-9, მე-10, მე-11 და მე-12 კლასის ტესტები
ყველა მოსწავლისთვის
მე-9, მე-10, მე-11 და მე-12 კლასის ტესტები
ყველა მოსწავლისთვის
X
საგანმანათლებლო სიახლეები
24 მაისი, 2019
მრავალფეროვანი საქართველო Izrune.ge-ზე - ნინოწმინდის N3 საჯარო სკოლა წარმატებულ გამოცდილებას გვიზიარებს
Izrune.ge-მ მთელი საქართველოს მოსწავლეები, ოჯახები და სკოლები საგანმანათლებლო ინოვაციების ირგვლივ გააერთიანა და თანამოაზრეებთან ერთად მზრუნველი ტესტები ყველასათვის ხელმისაწვდომი გახადა.
ჩვენი ქვეყნის მრავალფეროვანი სიმდიდრიდან გამომდინარე, პორტალი თითოეული სამიზნე ჯგუფისთვის მორგებულ წარმატების ფორმულას ქმნის და ენობრივ, სოციალურ თუ კულტურულ ბარიერებს ინდივიდუალური მიდგომებით შლის.
ზემოთქმულის თვალსაჩინო მაგალითი Izrune.ge-ში ნინოწმინდის N3 საჯარო სკოლის წარმატებული ჩართულობაა და ახლა გვსურს, რომ მზრუნველი გამოცდილება თქვენც გაგიზიაროთ:
ნინოწმინდის N3 საჯარო სკოლის დირექტორი არმენუჰი ღარსლიან:
„საგანმანათლებლო ინოვაციებისთვის ფეხის აწყობა და Izrune.ge-ში ჩართულობა თითოეული სკოლისთვის მნიშვნელოვანია, ჩვენთვის კი, ყველა სიკეთესთან ერთად, ინტეგრაციისა და სახელმწიფო ენის ცოდნის გაუმჯობესების საშუალებაა. მოსწავლეებმა უკვე გაიარეს რამდენიმე სავარჯიშო ტესტი და გაეცნენ სპეციფიკას, მიუხედავად ენასთან დაკავშირებული სირთულეებისა, საკითხებს დამაკმაყოფილებლად გაართვეს თავი და წინსვლის მეტი მოტივაცია გაუჩნდათ. ახლა ოჯახებთან ერთად პირველი შემაჯამებელი ტესტისთვის ემზადებიან და მინდა, წარმატებები ვუსურვო მათ განათლების გზაზე.“
Izrune.ge-ში ნინოწმინდის N3 საჯარო სკოლის II კლასი დიდი აქტივობითა და წარმატებებით ერთვება. კლასის ხელმძღვანელი ასანეტ ქსპოიანი მზრუნველ ტესტებს მოსწავლეებთან ერთად კლასში განიხილავს და მათ სირთულეების დაძლევაში ეხმარება:
„ბავშვები მოუთმენლად ელიან ტესტების დღეს. პორტალი ძალიან საინტერესო კითხვებსა და წამახალისებელ მიდგომებს გვთავაზობს, ენის ბარიერი გარკვეულ სირთულეს ქმნის, თუმცა მოსწავლეები ძალიან მოწადინებულნი არიან და ჩვენი დახმარებით საუკეთესო შედეგებზე გასვლას ცდილობენ. მშობლებმაც დიდი ინტერესი გამოიჩინეს Izrune.ge-ს მიმართ და მომავალში მეტი ჩართულობისა და წინსვლის იმედი გვაქვს.“
ანნა მღდესიანი II კლასის ერთერთი აქტიური მოსწავლეა, მოსწონს სავარჯიშო ტესტების შემეცნებით-სახალისო მიდგომები და დედასთან ერთად პირველ შემაჯამებელ ტესტს მოუთმენლად ელოდება:
„რამდენიმე სავარჯიშო ტესტი უკვე გავიარე, საინტერესო და ნახატიანი კითხვები მომეწონა, რასაც ვერ ვიგებ მასწავლებელს ვეკითხები ხოლმე კლასში. ახლა კვირა დღეს ველოდები, რომ დედასთან ერთად გავიარო ტესტი და დიპლომი მოვიპოვო.“
ანნაზე განსაკუთრებულად დედა ნანა კურღინიანი ზრუნავს, მას შვილის შემართება და განათლებისკენ სწრაფვა ახარებს და ყველანაირად ცდილობს, მის მრავალმხრივ განვითარებას შეუწყოს ხელი:
„ჩვენ პორტალს სულ ცოტა ხნის წინ შევუერთდით და უკვე დიდი ინტერესით ველით ყოველ ხუთშაბათსა და „შვილებზე განსაკუთრებულად ზრუნვის დღეს“. მთელი საქართველოს წარმატებული მოსწავლეების შედეგებს რომ ვნახულობთ, ჩვენც ჩართულობის მეტი სტიმული გვეძლევა და გვსურს, რომ პორტალის სიახლეებს ავუწყოთ ფეხი.“
ეგისაბერტ ზამკოჩიანი შვილის, მაკსიმ მზიკიანის განათლებასა და განვითარებაზე Izrune.ge-სთან ერთად ზრუნავს, მას მოსწონს პორტალის შემეცნებითი ხასიათი და დიდ მოლოდინებს ამყარებს წარმატების გზაზე:
„Izrune.ge ოჯახებს შვილების სასწავლო პროცესში ეფექტურად ჩართვისა და სკოლასთან დაახლოების საშუალებას გვაძლევს. საინტერესო ტესტებით ბავშვები ცოდნას იღრმავებენ და მომავალი წარმატებებისთვის ემზადებიან. ვფიქრობ, წლების განმავლობაში პორტალი დიდ გამოცდილებას მისცემს მაკსიმს და უნივერსიტეტში წარმატებით ჩაბარებაში, კარგი სამსახურის მოძიებასა და რეალიზებაში დაეხმარება.“
რას ამბობენ ჩვენზე
